School leadership development zirho

Mizoram RMSA leh National University of Educational Planning & Administration (NUEPA)-in ni 10 chhung SCERT Auditorium-a 'School leadership development' tih thupui zirhona an buatsaih chu nimin khan khâr a ni.

Capacity building programme hi January 28, 2015-ah ṭan a ni a, NUEPA aṭangin assistant professor Dr Kashyapy Awasthi, senior consultant Dr Anthony Joseph leh programme manager Biswasjit Sarmah ten thil pawimawhte an zirtir a ni.

School leadership development atan hian State Resource Group din a ni a, chutah chuan School Education department-a director lo ni tawh te, CTE/IASE-a principal ni tawh te, college principal leh school headmaster pension tawh leh thawk lai ṭhenkhat te, SCERT leh IASE-a thawkte leh district tina DIET principal-te leh lecturer-te an tel. State Resource Group-te hian school headmaster-te hnenah training an pe ve leh dawn a ni.