Khawthlir
Office kai hun
GAD chuan thuchhuah siamin, February 16, 2015 aṭangin Mizoram sorkar hnuaia pisa kai hun chu zing dar 9 aṭanga tlai dar 5 thleng a nih tur thu a puang. Inrinni leh Pathianni tel loin New Delhi, Kolkata, Mumbai leh Bangalore -a Mizoram House-ah chuan pisa kai hun chu zing dar 9:30 leh tlai 5:30 a ni ang a; Guwahati, Shillong leh Silchar-a Mizoram House-ah chuan zing dar 9 aṭanga tlai dar 5 a ni ang.
Motor chesualah thi
Nimin zing dar 8:30 vel khan Zemabawkah pick-up MZ-01 G-7367 chu chesualin kawng thlangah metre 60 vel a lum a, Zemabawk M/S-a pawl 6 zirlai, Vanlalhmingmuanpuii (13) d/o Lalkhumtira chu damdawi-in panpui a nih laiin a thi.
Mei zu man
Aizawl District Anti Tobacco Squad chuan, nimin khan Aizawl khawpuia taxi stand velah phal lohna hmuna mei zu mi pariat manin, pawisa an chawitir. Serchhip District Anti Tobacco Squad-te pawhin nimin khan sorkar office-ah squad drive an nei a, phal lohna hmuna mei zu mi pasarih an man a ni.
Huaisen lawmpui
Thingsai Welfare Committee, Aizawl chuan thuchhuah siamin, naupang huaisen chawimawina, National Bravery Award 2014 dawngtu Mesak K Remnalalnghaka s/o Lalmuansanga (L), Thingsai chu an lawmpui thu leh an chhuan thu an tarlang.
Huaisen lawmpui
Thingsai Welfare Committee, Aizawl chuan thuchhuah siamin, naupang huaisen chawimawina, National Bravery Award 2014 dawngtu Mesak K Remnalalnghaka s/o Lalmuansanga (L), Thingsai chu an lawmpui thu leh an chhuan thu an tarlang.
Sawleng thlang
MLA bial khat chhunga khaw cheibâwl bik turah Tuivawl bialtu MLA RL Pianmawia chuan a bial chhunga model village atan Sawleng khua a thlang.