Assam-in kawng an dang

Nimin khan Assam Police-te chuan Mizoram khawtlang lamin state pawn aṭanga bungrua an lak luhna ber kawng chu an ram chinah an dang.

Zawlnuam aṭanga thu dawn danin, Assam Police-te hian Mizoramin Covid-19 avanga medical leh police duty-te a dahna hmun piah deuh, an ram chinah kawng an dang a, bungraw phurte pawh luh an phal lo.

Hetih lai hian, Assam MLA pakhat chuan Ni­ngani khan Thinghlun rama Bendavida huan a tlawh. MLA hian a tlawh­pawh ngam lawk loh avangin Mizoram Police-te chuan va kal chilhin, hlauhawm an nih loh thu an hrilh hnuah Bendavida huanah chuan a kal a ni.