MPC-in inhnuhdawh chhan sawifiah

MPC party chuan thuchhuah siamin, AMC sorkarah MNF-te'n MPC councillor-te thlauhthlak an tum avangin, an thlauhthlak hmain AMC sorkar ding mek aṭangin an inhnûkdâwk niin an tarlang.

MPC chuan, "Thil ṭha zawk beisei vangin party pathum - MNF, MPC leh ZNP ten AMC-ah sorkarna thar an siam a, inngeih leh lungrual takin kan thawkhoin kan inhria. Chutih lai mek chuan kan thawpui councillor-te'n MPC-te paihthlaa AMC sorkar thar siam tumin hma an lo la reng tih kan hriatin pawi kan tiin min barakhai hle mai a. Mualpho taka thlauhthlak kan nih hmain kan inhnûkdâwk ta a ni," an ti.

MPC chuan, Congress party-in AMC sorkar siampuiah MPC an sawm nia sawiin, "MPC party PAC-te'n ngun taka an ngaihtuah hnuah thawhho chu a lo remti ta a ni," an ti bawk.