Minister leh mi thiamte inkâwm

Disaster Management & Rehabilitation minister K Sapdanga chu nimin khan a pisaah Mizorama chhiatna thleng palh theite zir chiangtu tur Japan International Corporation Agency (JICA) leh, National Disaster Management Authority (NDMA) mi thiamte nen an inkâwm a, thawhho dan tur an sawi.

Sorkar thuchhuah tarlan danin, JICA hian Mizoram leh India hmarchhak state hrang hranga khuarel chhiatna thleng ṭhin a ziaawm theih nan technical support an siam dawn a; Mizorama an chàm chhungin Aizawl leh a chhehvela khuarel chhiatna thlenna hmunte leh hmun him lo laite an zir chiang dawn a ni.