Sialhawk PHC-in NQAS a hmu

India rama damdawi-in ṭha tehna, National Quality Assurance Standards (NQAS) certification chu Sialhawk Primary Health Centre (PHC) hnenah pek thar a ni a; heti hian Mizoramah NQAS certified hospital pakua a awm tawh.

Thu dawn danin, NQAS certificate hmu tur hian hian Sialhawk PHC) hian district level, state level leh national level aṭanga tehna hrang hrang a paltlang a, 79% a hmu. Damdawi-in ṭha tehnaah hian tehfung 2,000 chuang a awm a ni.

National Health Mission-a mission director Dr Eric Zomawia, Sialhawk PHC-in NQAS certification a hmuh theihna tura theihtawp chhuahtute fakawm a tih thu a tarlang a, "India rama damdawi-in ṭha bik thlan chhuah kan neih belh zel hi Mizoram tan méllung pawimawh tak a ni a, thawktu zawng zawng inpekna leh thawhho ṭhatna vang a ni," a ti a; damdawi-in dangte pawh NQAS certification hmu thei tura ṭan la zel turin a chah a ni.