Bualpui (Ng)-in YLA an ṭhiat

26th July, 2024

Bualpui (Ng) khuaa Young Lai Association (YLA) branch pathumte chu Central YMA aṭangin an inhnûkdâwk a, an khuaah YLA an awm tawh lo tih an puang.

Bualpui (Ng) Joint YLA chuan nimin khan thuchhuah siamin, "Vawiin dt. 25.7.2024 aṭang hian Bualpui (Ng) Sub-Hqrs hnuaia Bualpui (Ng) khaw chhunga YLA branch pathum - Bualpui (Ng) Branch, Bualpui (Ng) Branch-II leh Vengthar Branch Bualpui (Ng) West-II te chuan CYLA aṭang hian kan in affiliate-na kan inhnûkdâwk a. Bualpui (Ng)-ah YLA kan awm tawh lo a ni tih kan puang a, kan kal zel dan tur chu Bualpui (Ng) khawtlang mipuite'n kan ngaihtuah ang," an ti.

Bualpui (Ng) Joint YLA hian YLA Inter Branch Golden Jubilee Football tournament 2024 final July 23, 2024-a khelha buaina chhuak leh a kaihhnawih thil hrang hranga an lungawi loh dan te, CYLA chunga an vuinate an tarlang bawk.