Minister pahnihin EPIP an tlawh

Agriculture & Farmer Welfare minister PC Vanlalruata leh Commerce & Industries minister F Rodingliana te chuan July 24, Nilaini tlai khan Export Promotion Industrial Park (EPIP), Lengte an tlawh a, Mizoram thlai thar, a bikin sawhthing sawngbawlna tur hmun an thlithlai.

Minister-te hian Mizoram thlai thar, a bikin sawhthing sawngbawlna tur hmun EPIP, Lengtea din theih dan tur an thlithlai a; ruhrel (infrastructure) dinna atan a ṭha tawk em tih an enfiah a ni. Minister-te hi adviser to chief minister (hand holding) Dr KC Lalmal-sawmzauva'n a ṭawiawm.

Minister-te chuan, sorkarin dan anga plot a pekte dik taka hmang ṭangkaite chu a theih ang anga a puih zel tur thu an sawi a; EPIP, Lengte ram chhunga hmun ṭhenkhat chu mahni thua lo luah an awma hriat a ni a, chungte chu enfiah vat vat a nih tur thu an sawi bawk.