Aizawl IIMC-ah community radio station

Information & Broadcasting minister Ashwini Vaishnaw chuan nimin khan online hmangin Indian Institute of Mass Communication (IIMC), Aizawl (MZU)-ah India rama community radio station (CRS) 500-na a hawng a; chief minister Lalduhoma pawh online kaltlangin a tel.

CM Lalduhoma chuan, Mizoramah CRS hawn a ni ve ta chu lawmawm a tih thu a sawi a, "IIMC, Aizawla zirlaite tan leh radio-in a huam phak chin mipui tan ṭangkai taka hman a nih ka beisei. Ka bial Serchhip khi a chhehvel ramte'n a zir avangin lo leh huan nei an tam a, anni puala CRS din ve a nih theih chuan loneitute zirtirna atan te, khaw chin leh an tana hriat tur thil pawimawhte an hriatna atan a ṭangkai dawn a ni," a ti.

CRS hi ram bial zîm deuh zawk, km. 12-15 huam thei FM radio a ni a, non-profit organisation/institution, KVK, NGO, registered society leh charitable trust ang chite'n an dil thei. Sum senso cheng nuai 10-15 inkar a ni a, IIMC, Aizawl channel chu FM 90.0 a ni.