Solid Waste Management Centre-a bawlhhlawh ṭawih thei lote zir chiang

Aizawl Municipal Corporation (AMC) chuan Mizoram Pollution Control Board nen ṭang dunin July 22, 2024 aṭang khan Solid Waste Management Centre, Tuirialah bawlhhlawh ṭawih thei lo zinga plastic chi hrang hrang awm dan zirchianna, Characterization & Assessment of Plastic Waste an buatsaih a, vawiinah zawh a ni ang.

Plastic bawlhhlawh zirchiannaah hian Aizawla local council 85 zinga LC 45 aṭangin aiawh thlante an tel a; zirchianna an buatsaih chungchang chu sorkar laipuiah an thawn leh dawn a ni.

AMC chuan, bawlhhlawh ṭawih thei lo chu hlawm paliah ṭhenin, a rih zawng fel taka chhinchhiah a nih thu te, ṭawih thei lo zinga hman khat daih (single use plastic) chi hrang hrang 20 khap mekte dinhmun hre chiang turin thliar leh vek a nih thu leh a rih zawng bûk vek a nih thu an tarlang.

AMC chuan, "Mipui­te'n bawlhhlawh kan la thliar hrang ṭha tâwk lo a, hei hian bawlh­hlawh sâwng­bàwl kawng­ah harsat­na nasa tak a siam. Bawlh­hlawh ṭha taka thliar hrang turin Aizawl mipui kan ngen thar leh a ni," an ti a; hman khat daih plastic hmang lo turin mipui an ngen bawk.