Ukilte'n dan thar an zirho

Aizawl District Legal Services Authority leh Mizoram Bar Association chuan nimin khan India rama dan thar (criminal law) pathum zirhona Aizawl District Court conference hall-ah an buatsaih a, ukil ṭhahnem tak an tel a, Gauhati High Court judge Justice Nelson Sailo-in a hmanpui.

Justice Nelson Sailo chuan, ukilte chu rorelna dik a awm theihna tura lungthu pawimawh an nih thu a sawi a; criminal law pathum - Bharatiya Nyaya Sanhita, Bharatiya Saksha Adiniyam leh Bharatiya Nagarik Suraksha Sanhita te chu ṭhahnemngai taka zir a, chiang taka hriat tum turin a chah.

Zirhona hi Aizawl District & Sessions judge Helen Laldawngliani'n a kaihruai a; Laldinpuia Tlau, MJS leh advocate HT Lalmawizuala leh PC Lalchhunga ten thil pawimawhte an zirtir a ni.