Iron rod bûk dik loa hralh man

Siahaa Legal Metro­logy enforcement squad chuan nimin khan Siaha khawpuia iron rod zawrhte an endik a, department-in bûkna (electronic weighing scale) hman tur a tih hmang lo iron rod zuar pahnih an man.

Enforcement squad-in iron rod zawrhna dawr hrang hrang an endiknaah dawr tam berah electronic weighing scale (EWC) hman theihin an kawl a; mahse, EWC kawl chunga hmang loa iron rod hralhtu dawr pahnih man a ni a, Legal Metrology Act & Rules hmanga hrem an ni dawn.

Sorkar thuchhuah tarlan danin, iron rod zuar ṭhenkhat chuan bûk tling loin man tláwm zawka hralh turin iron rod-te an zuar ṭhin. Legal Metrology department chuan, man tlawm, bûk tling si lo ai chuan a man pangngai, bûk tling lei a hlâwk zawk tih hre turin mipui an chah a ni.