2013-14-ah kângmei Ṭum 472 a chhuak

Statistical Handbook of Mizoram 2014-in a tarlan danin, kum 2013-14 chhung khan kângmei vanga thi mi pali leh hliam mi pariat an awm a, kângmei chhuak 472 a awm bawk a; hengte hi kum 2012-13 aiin a tlem vek a ni.

Kum 2013-14 chhungin kângmei chhuak ṭum 472 a awm a, kângmeiin bungrua a tihchhiat zawng zawng hlut zawng chu cheng nuai 597.65 a ni. Kangmei laka bungrua venhim hman leh hmun hima dah hman hlut zawng chu cheng nuai 1138.24 a ni thung.

Environment & Forest department chhinchhiah danin, kum 2013-2014 chhung khan ram kang ṭum 22 a thleng a, ram kâng hi hectare 4,285-a zau a ni. Kângmeiin leilung/ramhnuai hausakna a tihchhiat hlut zawng chu cheng nuai 19,250-a chhût a a ni. India State of Forest Report 2011 tarlan danin, Mizorama thing leh mauin a khuh (forest covered) zau zawng chu sq.km. 19,117 a ni.