Chhiahtlangah SAGY model village zir

February 6, 2015 khan Sansaad Adarsh Gram Yojana (SAGY) hnuaiah Rajya Sabha MP Ronald Sapa Tlau model village, Chhiahtlang khuaah mipuite'n sorkar hmalakna chungchanga an vuivainate leh an ngaimawhte an thlenna hun, 'Public Grievances Redressal Camp' buatsaih a ni a, Serchhip DC Juhi Mukherjee-in a hmanpui.

Juhi Mukherjee chuan, Chhiahtlang mipuite chu model village ni ngei tura ṭan an laknaah sorkar hnathawh dan leh hmalaknate langtlang taka an hriat a pawimawh tih a sawi a, "Hei hian sorkar leh mipui inkara inhriatthiam lohna awmte a tihbo bakah, thawhhona ṭha zawk leh inhriatthiam tawnna a thlen thei a ni," a ti.

Inkhawm kaihruaitu Serchhip DRDA project director Teresy Vanlalhruaii chuan, SAGY kalphung leh a awmziate a sawifiah a ni.

Inkhawmah hian mipuite chuan department hrang hrangte'n Chhiah­tlang tana hma an lakna hrang hranga harsatna leh hriatthiam loh an neihte an zawt a, department aiawhte'n an chháng a ni.