February 20 velah Tlawng lei Dawh zawh hman tum a ni

Sihhmui leh Lengpui inkar, National Highway 44-A-a Tlawng lei dawh ṭhat mek chu beisei anga thawh a nih chuan February 20 velah dawh zawh a ni ang.

Thudawn danin, thir lei rem khawm sa, lui kam lehlama kai tura nawr tawlh chuan luikam lehlam a thleng ṭep a ni. PWD hotute dawi danin, lei dawh mek hian February 10 hian lei lehlam a thleng thei dawn a, hemi hnu hian a tihnghehna leh tihchakna rem khawm a kilh a ni ang. Tihngheh leh tihchakna rem khawm leh tihngheh chhung hian kar khat vel a awh dawn a ni.

Lei dawhna hmanrua a indaih loh vangin an mamawh ṭhenkhat chu Kolkata-a Garden Reach Ship Builders & Engineers Ltd. aṭangin February 1 khan chah thlen a ni.