VIP-te vangin helicopter Ticket cancel ṭhin a ni

Sorkara hotu lian, VIP ṭhenkhatte'n chawpchilh taka helicopter an hman dawnin, helicopter hmang­a zin turte ticket lak sa cancel a ngaih chang a awm fo nia thu dawn a ni.

Helicopter service enkawltu leh thawktu­te sawi danin, VIP-te hman­hmawh thilah an zin chhuah dawnin chawpchilh takin helicopter-a zin an tum ṭhin a; chutiangah chuan zinna tura helicopter ticket lo la tawhte ṭhulhtir leh an awm fo niin thawktute chuan an sawi.

Helicopter hi man chawia hman (hire/charter) a nih dawn chuan darkar khatah Rs. 70,000 sen a ngai a; Mual­puiah dah niin, hman dawnah tihnun aṭanga a khawl tihthih leh thlengin chhiar ṭhin a ni.