Vawiinah AMC sorkar bûk a ni dawn

Aizawl Municipal Council-a councillor pasarihte'n AMC chairman paihna tur resolution, Aizawl DC hnena an thehluh chu vawiin hian AMC session hall-ah sawihoa bûk a ni dawn.

Aizawl DC Dr Franklin Laltinkhuma hnen aṭanga thu dawn danin, AMC session hi chawhnu dar 1:00-ah ṭan a ni dawn a, appointed councillor R Vanlalvena, Aizawl South-I bialtu MLA-in a kaihruai ang. Session-ah hian councillor zawng zawngte thusawina hun pek an ni ang a, chumi zawhah AMC chairman Zarzoliana'n thlawptu a ngah tawk leh tawk loh fiah a ni ang.