Road Safety Week hawng

Transport department huaihawt, Road Safe­ty Week vawi 26-na chu nimin khan As­sem­bly Annexe-ah Transport minister John Rotluangliana'n a hawng. Minister chuan, himna ngai pawimawha ṭan la thar turin mipuite a sáwm.

Parliamentary se­cretary (Transport) TT Zo­thansanga pawh­in thu sawiin, fimkhur loh vanga nunna chan an tam thu a sawi a, lirthei khalhtute chu fimkhur lehzual turin a chah.

Road Safety Week hawn­­naah hian CID (Crime) SP Joseph Lal­chhuana'n tun hnai kum nga chhunga lirthei chet­sual chhan hrang hrangte a tarlang a, rûi chunga lirthei khalh chu tun hma aia hremna a nat tawh thu a sawi.