In kângah mi pakhat kâng hlum

Pathianni zan dar 6:30 vel khan Durtlang Field thlanga Valbuanga thlám, Assam type chhawng hnih a kâng a, huan enkawltu PC Laldawngliana (35) a kâng hlum.

Thu dawn danin, thlám kang hi a bul hnaia awmte'n an hmuh chuan a kâng nasa tawh hle a, ṭhelh theih a ni tawh lo. A kan zawh hnuah PC Laldawngliana a kâng hlum tih hmuh a ni a; Durtlang YMA-in a kuang siamin, Women Po­ly­technic hall-a thlah­na hun hman hnuah a u, PC Remlalnghaka, Chaltlang inah lak a ni.

Pangbalkawn khuaah pawh February 7, Inrinni zan dar 7:30 vel khan chenna in pali a kâng ral. Kângmei hi Siamliana choka aṭanga chhuak a ni a, an TV en lai tih loh bungraw dang an chuh hman lo. In kâng hian ṭhenawma in pathum - Sawtirung, Darauhrai leh Lalrema te in man kaiin, an kâng ral vek a ni.