Lawngtlaiah Direct Benefit Transfer on LPG sawiho
Lawngtlai District Level Implementation Committee on Direct Benefit Transfer on LPG (DBTL/PAHAAL) chu an chairman DC J Hmingthanmawia hoin nimin khan an ṭhukhawm a, LPG consumer registration chak zawka tih dan tur an sawi ho.
J Hmingthanmawia Direct Benefit Transfer on LPG chu UID/Adhaar nena kal kawp tura ruahman ni mah se, harsatna hrang hrang avangin a tih theih mai loh tih sawiin, "Hei vang hian UID Registration nei lo tan pawha tih vek turin ruahmanna a siam ta zawk a ni. Ruahman danah chuan kumin January thla tir aṭanga kalpui vek tur a ni mah se, tunah hian March thla thleng innghah (grace period) leh hlek a ni. Hetih chhung hian district chhunga gas consumer zawng zawngten registration hi kan tih vek a ngai dawn a ni," a ti.
Lawngtlai DCSO R Sangnuna pawhin thu sawiin, Direct Benefit Transfer on LPG (DBTL/PAHAAL) schem kalphung a sawifiah.
Meeting-a tarlan a nih danin, Lawngtlai khawpuia Gas Agency awm chhun Khuma Gas Agency hnuaiah tun dinhmunah consumers 9811 vel an awm a, an zinga mi 5000 velin DBTL form hi an la chhuakin, mi 3000 velin an submi ta ni.
District Level Implementation Committee on DBTL ah hian district chhunga bank manager zawng zawng, gas agency zawng zawng, VC, Consumer Union leh NGO dangte an tel a ni.