Hriselna kawnga thawk ṭhaah ngai

Congress party ṭha­laite chuan thuchhuah siam­in, ram mipuite hri­selna tura hmalak kawng­ah Mizoram sorkar chuan hna a thawk ṭha hle niin an tarlang.

MPYCC chuan, MPSC kaltlanga felfai taka medical ofiicer tur doctor 27 a ngheta lak an ni chu lawmawm an tih thu sawiin, "Sorkarin mipui náwlpui chhawr theih tura ruahmanna an siam hi hmalakna ṭha tak a ni. Thingtlang hmun hla zawka awmte'n an chhawr leh zual theih ngei kan beiseiin, doctor lak tharte hi duhsakna kan hlan a ni," a ti.

MPYCC chuan, Health department-in nurse a nghet loa thawk mekte a nghetin a la a, a ngheta thawk tur nurse 25 a lak hnuah, 20 dang lak leh a tum mek nia sawiin, hrilselna lama hmalaknaa sorkar ruahmanna ṭhatzia a lang mek niin an sawi. NHM hnuaiah district hrang hranga thawk tur nurse lakna kalpui mek a nih thu an sawi bawk.