Mizoram tana medal latute lawmpui
Mizoram State Sports Council (MSSC) chuan nimin khan an office-ah tun hnaiah India ram hmun hrang hranga Mizo infiammi che ṭhate lawmpuina hun an buatsaih a, MLA Lalrinawma'n a hmanpui. Medal latu player 17 leh team official mi palite hnenah thilpek hlan a ni.
India rama medal latu an lawmpuite chu - December 17-21, 2014 chhunga Haridwar, Uttarakhand-ah National Junior Judo Championship-a gold medal pakhat, silver pathum leh bronze pahnih latu te; January 11-14, 2015 chhunga Kurnool, Andra Pradesh-a 17th Sub Junior Sepaktakraw Championship-a silver medal latu te; January 8-18, 2015 chhunga Nagpur, Maharashtra-a 1st Elite Senior Men National Boxing Championship-a silver medal pakhat latute an ni.