JICA JCC an ṭhukhawm

Japan International Cooperation Agency project vil tura din, Joint Coordination Committee chu nimin khan chief secretary Lalmalsawma hoin DC conference hall-ah an ṭhukhawm.

Meeting-ah hian Japan sorkar sensoa Mizoram zir chianna kal mek ‘A study on development and management of land and water resources for sustainable agriculture in Mizoram,’ tih chungchanga hmalak tawhnate tarlan a ni a; Minor Irrigation project atana DPR siam pawh pawm a ni.

Japan mithiamte'n Mizoram ei leh bara intodelhna turin Master Plan an buatsaih mek a, April 2015-a thehluh tura tih a ni. Master plan hi kum 20 chhunga tihhlawhtlin tura ruahman a ni a, ei leh barah 60% vela intodelh bakah, thar chhuah hralh dan tur ruahmanna a keng tel dawn a ni.