Sports Minister-in lawmthu a sawi

Sports & Youth Ser­­vices minister Zo­dintluanga chuan, Na­tional Games football-a Mizoram an champion chu lawmawm a tih thu a sawi.

Zodintluanga hian nimina Hmunṭha khuaa 2nd Hualliana Memorial Football Tournament a hawnnaah thu sawiin, "National Games foot­ball-a kan champion theih chhan hi MFA leh player-te'n rim taka an thawh rah a ni. Infiamna lama hmasawnna nasa tak kan neih chhan hi electronic leh print media-te'n ṭha­hnem ngai taka mipui zirtir chunga tualchhunga infiamna an tihlârte hi a ni a, an chungah lawmthu kan sawi tak meuh a ni," a ti.

Thingtlang lamah sorkar policy a hlawhtling chho zel tih sawiin Sports Minister chuan, "National Games football champion team-a 50% vel kha thingtlang mi an ni. Santosh Trophy champion team member-te pawh chuti bawk. Thingtlangah hian talent a awm a ni," a ti a; Mizote'n infiamnaah khawvel kan hneh theih thu a sawi.

Zodintluanga chuan, ṭhalaite hnenah infiamna hmunhma ṭha pek mek a ni tih sawiin, "Hlawhtlinnaa ṭhalaite'n an chháng lêt mek hi a lawmawm hle a ni," a ti a, infiamna chi hrang hrang tan hmunhma leh hmanraw ṭha zawk siam zawh tawhte chu hman ṭangkai a nih ngei a beisei thu a sawi bawk.