Rinmawia'n S.Korea ambassador a kâwm

Labour, Employment & Industrial Training (LE&IT) minister Lalrinmawia Ralte leh India rama South Korean ambassador Lee te chu, February 9 khan Delhi Mizoram House-ah an inkâwm a; Korea leh Mizoram chungchang thil hrang hrang an sawi dun.

Lalrinmawia Ralte chuan, Mizoram leh South Korea chu kawng hrang hranga inlaichinna ṭha siam a, thawh dun a duh thu a sawi a, "South Korea-in harsatna hrang hrang a tawh hnua skill development hmanga ram a lo changkang leh thei hi a ropui hle. Mizoram sorkar pawhin skill development hi a kalpui ve mek a ni," a ti.

LE&IT Minister chuan, Aizawl leh Seoul khawpuite chu eng lai pawha intlawhpawha inchhim tawn turin 'Sister City Twinning' neih ni se tiin a rawt a ni.