Farmers Producers Organisation din

Horticulture department leh Indian Grameen Services-te chuan nimin khan Horticulture directorate conference hall-ah Aizawl district-a thlai chíngtute hamṭhatna ngaihtuahtu tur Farmers Producers Organisation (FPO) an din. FPO dintute hi farmers interest groups (FIG) 53 aṭanga kalkhawmte'n Board of Directors tur 10 thlang chhuakin an din a ni.

FIG 53-ah hian member 15 aia tam an awm deuh vek a; tunah hian Aizawl district-a FPO-ah member 1,060 an awm. FPO hi cooperative society ang ni loin, Company Act, 1956 hnuaia inziak lut tur an ni.

FPO hian an member-te thawh chhuahte man man zawka hralhna ngaihtuahsak dawn a; Horticulture department chuan FIG tin hnenah a ṭul anga an hman turin an bank account-ah Rs. 1,70,000 aia tlem lo a dahsak vek a ni.