MGNREGA-ah hna 457 thawk

Aizawl District Level Vigilance & Monitoring Committee chu nimin khan DRDA Conference Hall-ah an chairman CL Ruala, Lok Sabha MP leh co-chairman Ronald Sapa Tlau, Rajya Sabha MP-te hoin an ṭhukhawm. Aizawl district-ah kum 2014-15 chhungin MGNREGA hnuaiah hna 457 thawh zawh a nih thu an tarlang.

Meeting-a tarlan danin, Aizawl district-ah kum 2014-15 chhung hian MGNREGA hnuaiah hna chi hrang hrang 457 thawh a ni a, zawh vek a ni a; hna thawktute hlawh atan cheng nuai 574.152 leh bungraw leina atan cheng nuai 229.415 hman a ni. Tun dinhmunah Aizawl district-ah hian job card nei mi 26,013 an awm.

Kum 2014-15 chhung vekin IAY hnuaiah chenna in 70 sak turin sum pek chhuah a ni a, pakhat sak nan Rs. 75,000 ruahman a ni.