State Planning Board hotute an thukhawm Inrelbawlna tha thei ang ber ka duh - Chief Minister

Nimin khan NLUP conference hall-ah State Planning Board meeting neih a ni a, meeting kaihruaitu chief minister Lal Thanhawla chuan, sorkar inrelbawlna chu a ṭha thei ang bera kalpui a duh thu a sawi.

CM Lal Thanhawla chuan, plan leh non-plan chu hman pawlh ṭhin a nih tho avangin tihbo mai a ṭhat leh ṭhat loh ngaihtuah ṭhin a nih thu a sawi a; hemi chungchanga ngaihtuahna sêng turin Planning Board member-te a chah.

Meeting-ah hian Mizoram hmasawnna atana chak zawka hmalak a nih theihna tura department hrang hrangte inlung­rual leh tum mumal tak neia hna an thawh theihna atana ruahmanna siam dan tur ‘Approach to Development Growth Strategies for Mizoram’ an sawiho a ni.

Ram dinhmun dik tak hriat a nih theih nan leh hmasawnna hna mumal taka kalpui tura ruahmanna siam a nih theih nan official data and statistics rintlak duang tura chak taka hmalak ni se, an ti.

High Level Monitoring and Surveillance Committee development project, scheme leh programme-te hunbi neia thlirlet tur leh chak taka kalpui a nihna turin hma latu tur pawh din a nih thu tarlan a ni.

Meeting-ah hian Planning minister Lalsawta, Planning Board vice chairman H Liansailova leh chief secretary Lalmalsawma te pawh an tel.