Lunglei district-ah kuminah thubuai 19

Lunglei SP Zosangliana hoin nimin khan Lunglei SP office conference hall-ah ‘Lunglei District Police Crime Conference’ neih a ni. Kumin January 1 aṭanga February 10 thleng khan Lunglei district-ah thubuai 19 ziah luh niin, chung zinga pahnih chu pawngsual thubuai a nih thu an tarlang.

Lunglei SP Zosangliana chuan, a khát tâwka crime conference neih chu thil ṭangkai tak a nih thu sawiin, conference-a telte chu mahni intuaithar nana hmang turin a chah a, an hnaah rinawm taka an thawk zel turin duhsakna a hlan.

Conference-ah hian dan leh thupek kenkawh, VIP venhimna, Lunglei traffic leh thubuai la chinfel lohte chung­chang sawiho a ni.

Meeting-ah hian Lunglei addl. SP Stephen Lalrinawma, Lunglei, Tlabung leh Hnahthiala SDPO te, district chhunga officer incharge-te leh police station leh outpost-a in-charge zawng zawngte an tel.