ZNP-in AMC sawp ṭha lo an ti

Zoram Nationalist Party chuan thuchhuah siamin, Aizawl Municipal Council hmasa ber sawp kual a ni chu ṭha lo an tih thu an tarlang.

ZNP thuchhuah chuan, AMC councillor ṭhenkhat chu lalna leh thuneihna âtchilh leh mahni nawmsakna ri­ngawt ngaihtuahah a puh a, "AMC sorkar tihchhiat a nih dawn apiangin a enkawltu UD&PA minister office hi AMC sorkar tihchhiatna relna hmunah an hmang ṭhin... Mipui tana hna thawhna tur office zahawm tak nia kan ngaih laiin, mahni enkawl ngei sorkar tih­chhiatna relna hmun atan hman a nih chuan thil pawi tak leh zahthlak, mipuite zah lohnaah kan ngai," an ti.

Delhi inthlana Congress party an artelukâwn chu India mipuiin Congress party an hmuh dan tichiangtua an ngaih thu sawiin, ZNP chuan, Mizoramah pawh Congress party-in mipui an sawisak dan hre chunga VC, local council leh AMC inthlan lo awm leh turah ngaihtuah­na hmang turin mipuite an chah a ni.

ZNP hian nimin khan an party office-ah National Council Member (NCM) thlanna an nei a, NCM atan mi 113 an thlang.