CM-in NEEPCO meeting a hmanpui

NEEPCO chuan Thawhlehni khan State Guest House conference hall-ah Board of Directors Meeting an nei a, chief minister Lal Thanhawla'n a hmanpui. Lal Thanhawla chuan, hmarchhaka kawlphetha siam chhuah theihna zinga 11% pawh tling lo aṭang chiahin siam chhuah a nih thu a sawi.

Chief Minister chuan, NEEPCO chu hmarchhak bial tana kawlphetha siam chhuaktu pawimawh an ni tih sawiin, "Hmarchhak bial hi power, a bikin hydel power siam chhuah theihna hmunpui a ni chungin, power kan khawpkham lo em em a ni. Megawatt 50,000 siam chhuah theihna awm si, 11% pawh kan siam chhuak lo. Mizoramah phei chuan 1% vel chauh kan hmang a ni. Hei hian hmasawnna a tihchak loh phah hle," a ti.

Hmarchhaka kawlphetha siam zawng zawngah 50% vel chu NEEPCO siam chhuah nia sawiin, Lal Thanhawla chuan, "Hmun harsa leh chhengchhe tak kara an inpeknaah kan lawm hle. Keini pawhin ṭanpui an ngaihnaah kan inhawng reng a ni," a ti a; thermal power lamah pawh NEEPCO chu kal se a duh thu a sawi.