Pawl 10-in thisen unit 356 an pe

Salvation Army Youth, Central North Division-in Civil Hospital, Aizawl tan thisen unit 121 an pe a, petute mipa 102 leh hmeichhia 19 an ni.

Mizoram PYD pastor bial pathumin unit 54 pein, petute mipa 47 leh hmeichhia pasarih an ni a; Synod Hospital tan Durtlang Bial-in unit 17 leh Ṭhuampui Bial-in unit 14 an pe a, Aibawk Bial-in ZMC tan unit 23 an pe a ni.

Evangelical Church of Maraland KTP, Syhno (Zawngling)-in Siaha District Hospital tan unit 64 an pe a, petute mipa 50 leh hmeichhia 14 an ni. LIKBK Ṭhalai Pawl, Lawngtlai AOC Bial leh Mampui Bialte'n Lawngtlai Electric Veng kohhran hall-ah Lawngtlai District Hospital tan thisen unit 35 an pe a, petute mipa 29 leh hmeichhia paruk an ni.

ṬKP, Lunglei Chanmari Bial-in Lunglei Civil Hospital tan unit 54 pein, petute mipa 42 leh hmeichhia 12 an ni a; ṬKP, Champhai Kahrawt Bial leh Bethel Bial ten Champhai District Hospital tan unit 28 an pe a, Bethel Bial aṭangin mi 18 leh Kahrawt Bial aṭangin mi 10-in an pe a ni.