Union Home minister-in Bru camp a tlawh dawn

Union Home minister Rajnath Singh leh Union minister of state for Home Kiren Rijuju te chuan, naktuk hian Tripura-a Bru transit camp an tlawh dawn a, thil awm dan an enfiah ang.

Rajnath Singh hian Kanchanpur-ah BSF leh police hotute meeting a neihpui ang a, chumi hnuah Bru transit camp-te a tlawh ang. Refugee camp a tlawh zawhah chief minister Lal Thanhawla leh Tripura chief minister Manik Sarkar-te nen Mizoram Bru-te Mizorama lâk let chungchang ah sawiho ang.

Bru-te chungchangah hian Home minister R Lalzirliana chuan, Bru refugee camp-a awmte chu Supreme Court thupek angin thla ruk chhunga Mizorama hruai kîr dan tur ruahman mek a nih thu a sawi a, "Lo kîr duh lote chu Mizoram electoral roll aṭanga paih an ni ang," a ti.