MSU-in din champha an lawm

Mizo Students’ Union (MSU) chuan nimin khan IPR Auditorium-ah an din champha an lawm a, parliamentary secretary (School Edcuation) Joseph Lalhimpuia'n a hmanpui.

MSU Rising Day lawmna hi MSU vice president R Lallawmsanga'n a kaihruai a, khuallian Joseph Lalhimpuia leh MSU president PC Lalrinhlua ten thu an sawi.

Inkhawmah hian MSU Rising Day puala high school, higher secondary school leh college zirlaite tana essay inziahsiaka ti ṭhate hnenah lawmman hlan a ni a; inelna thupuite chu H/S tan 'Faina kawnga zirlaite mawhphurhna', HSS tan 'Hriselna atana faina pawimawhna' tih leh college zirlaite tan 'Ram leh hnam hmasawnna atana faina pawimawhna' tih a ni.

MSU Rising Day pual hian zirna in hrang hrangah faina hnatlang neih a ni bawk.