MISA-in khawmpui an hmang

Mizoram Information Service Association (MISA) chuan nimin khan Tourist Lodge-ah annual connference an hmang a, Information & Public

Relation secretary K Lal­nghinglova'n a hmanpui.

K Lalnghinglova chuan, IPR officer-te'n mawh­phurhna pawi­mawh tak an nei tih sawiin, "Awlsam taka an hna­thawh theihte kal pêla hma­sawn lehzual tuma an pên chhuah ngam chiah hian puitlinna leh hlawhtlinna lian tham zawk an nei dawn a ni," a ti a; IPR officer-te chu mahni chhia leh ṭha hriat­na huaisen taka hmang ngam ṭhin turin a chah.

MISA khawmpui hi an pawl vice president Lalfakzuala'n a kaihruai a, nikuma an member boral ta Robert Thangmawia sûnna hun an hmang.

Khawmpuiah hian CID (Crime) SP Joseph Lal­chhuana paper buatsaih ‘Le­gal Aspects of Social Media’ tih leh Robert Halliday-a paper buatsaih 'Social Media & Youth' tih zirho a ni.