Mamit district hnathawh thlirlet

Mamit District Level Vigi­lance and Monitoring Com­mit­-tee chu nimin khan an chairman CL Ruala, Lok Sabha MP hoin Mamit DRDA conference hall-ah an ṭhu­khawm a; sorkar laipui scheme-te hnuaia hna thawh dante an thlir let.

CL Ruala chuan, Mizoramin sorkar laipui aṭangin sum a hmuh tam loh avangin a hmuh angte ṭangkai taka hman a ngaih thu a sawi a, "Kan hnathawh leh kan sum hman a inphu tur a ni. Mipui vantlang tana rawngbawl kan nih avangin officer-te'n taima tak leh rinawm takin hna an thawh a ngai," a ti.

Meeting-a tarlan danin, Mamit district-ah hian MNGREGA hnuaia job card nei mi 20,157 an awm a, sorkar kum kal mekah ni 20 inhlawhna siam a ni tawh a; IAY hnuaiah chhungkaw 49 tan in sak a ni tawh bawk.

Meeting-ah hian MGNREGS hnuaia mipui inhlawhnate leh material component-te chu uluk lehzualin BDO-te'n enpui se, mipui tana thil ṭangkai leh ro­tling siam ngei ni se, an ti.