NE Social Welfare minister meeting-ah Thanliana

Nimin khan Guwahati-ah Social Justice & Empowerment minister Thawarchand Gehlot hoin North East Social Welfare Minister Conference neih a ni a, Social Welfare minister PC Lalthanliana pawh telin, thu a sawi.

PC Lalthanliana chuan, tlawmngai pawlte'n rehabilitation/de-addiction/aftercare centre leh home hrang hrang an siamte a ṭangkai thu sawiin, Central aṭanga fund hmuh ṭhinte tun hnaiah a hun taka hmuh a nih ṭhin loh avangin buaina leh harsatna nasa tak a thlen a sawi a, "Kum 2014-15 ah phei chuan engmah kan la dawng lo," a ti. A theih anga ranga sum pe chhuak turin Social Justice & Empowerment Minister chu a ngen.

Social Welfare Minister chuan, kum upate tana Old Age Home siamte chu a ṭangkai thu sawiin, "Old Age Home awm sate thuam ṭhatna tur leh din belhna tura kan dilnate bawhzuisak kan mamawh. Mizorama ruihhlo hmansual leh ruihhlo tawlhrukte kan do ṭhat lehzual theih nan sorkar laipui ṭanpuina tam zawk kan mamawh a ni," a ti.