Rahsi Veng V/C-te Thiam loh chantir

Lunglei & Serchhip District Ombudsman PC Hranghnuna chuan, Lunglei Rahsi Veng V/C member Vanlalpeka'n a V/C member-puite'n an tih dana a lungawi loh thu a thlenah Vanlalpeka chu thiam a chantir nia thu dawn a ni.

Thu dawn danin, Van­lalpeka hi October 30, 2014-ah Ombudsman-ah a zualko a; a zualko chhan chu - Rahsi Veng V/C-te hnathawh ṭhenkhatte a chhe lutuk tia a sawisel ṭhin avanga V/C meeting-ah an koh ngai loh vang a ni.

V/C meeting-ah koh a nih ngai loh avang­in Vanlalpeka chuan Om­budsman-ah complaint a thehlut a, Rahsi Veng V/C chu ṭhiat turin a ngen a ni.

Ombudsman hian Rahsi Veng V/C te, VEC leh VMC member zawng zawngte chu November 18, 2014-ah Rahsi Veng YMA Recreation Center-ah kokhawm a, nimahsela V/C member dangte an kal lo. Inkohkhawmnaah hian Ombudsman chuan thil awmdan a zawtfiah a; V/C hnathawhte chu a hmunah a enfiah bawk.

Ombudsman chuan spot verification a neih hnuah thutlukna siamin, V/C member Vanlalpeka chu thiam a chantir ta a ni. Ombudsman thutlukna hi LAD-ah thawn a ni.