ZPM Ṭhalaite'n minister-te bangla chei ṭhat an sawifiah

ZPM Ṭhalai chuan thuchhuah siamin, Assembly Speaker bangla leh minister-te bangla chei ṭhat chu a ṭul vanga tih a nih thu leh, chei ṭhat chungchanga eptu party-te thu thehdarh chu sorkar hmasaa bangla luahtute mawng hlìmna niin an tarlang.

ZPM Ṭhalai chuan, Speaker leh minister pathum bangla chei ṭhat nan cheng nuai 27.40 hman a nih thu tarlangin, "Bangla luahtu hmasate hian sorkar bângla-te an mahni ta anga an enkawl loh avangin a chhe hlawm hle a, chei ṭhat nasat a ngai a, sum sen hi a tlem zawk hle a ni. Repair ngai tam tak a awm a, hengte hi siamṭhat vek a ni. Heti khawpa bangla chei ṭhat ngaite ṭha taka chei a ni leh a chhunga bungraw awm zawng zawng lei vek a nih hnuah pawh cheng nuai 27.4 chauh sen a nih hi a tlem hle zawk a ni, " an ti.