SP leh MJA-in border outpost an tlawh

MJA, Mamit district member-te chuan Mamit SP Lalthangpuii Pulamte hoin July 27, Inrinni khan Mamit district chhung Assam ramria awm Thinghlun leh Kolalian-a police border out post an tlawh.

Mamit SP leh MJA-te hi police border post-a awmte'n lo dawng sawngin, an dinhmun tlangpui an lo hrilh a; Thinghlun leh Kolalian khawtlang leh kohhran hruaitute nen an inkâwm nghal a ni.

Border outpost-a awmte leh khawtlang hruaitute'n thawhhona ṭha tak an neih thu an sawi a, ramria awm an nih avangin ruih theih thil do leh khuahkhirh kawngah pawh khawtlang leh ram leh hnam tan a ṭul ang zelin harsatna an inhrilh tawn zel a ngaih thu an sawi.

Thinghlun police border outpost-ah hian Mizo 4th IR battalion an awm a, Kolalian outpost-ah hian 3rd MAP an awm thung. Border post pahnihahte hian harsatna lian tham a awm rih lo niin sorkar thuchhuahin a tarlang.