Contour Hedgerow Farming hun hmang

July 27, 2024 khan Ṭamdilah Contour Hedgerow Farming programme hman a ni a, Assembly speaker Lalbiakzama'n hmanpuiin, Contour Hedgerow Farming hnuaia mi 106 hnenah ṭanpuina hlan a ni.

Lalbiakzama chuan, Contour Hedgerow Farming chu leiṭha kal ral lo thei ang bera leilung hman ṭangkai a ni a, mihring leh nungchate dam khawchhuahna tura tihmâkmawh a nih thu a sawi a; ramngaw leh lei chungláng háng ṭhate humhalh turin mi tin an pawimawh thu a sawi.

Mizoram chu tlang ram a nih avangin leilung a luang ral chak tih sawiin Speaker chuan, "Lei ṭha a inchhêk khawm leh har avangin khawvel hmun dang ram rem leh phaizawlte aiin a lêt tam takin humhalh a hautak zawk. Kan thlah lo la awm zel turte tana leilung humhalh chu kan tihmâkmawh a ni," a ti.

Speaker chuan, Integrated Management Plan of Tamdil Wetlands hnuaia Contour Hedgerow Farming kalpuit ura thlan tawh chhungkaw 318 leh la thlan turte chu a nihna ang taka kalpui turin a chah.

Tamdil Wetland Monitoring Committee hnuaiah hian Saitual, Sihfa, Tualbung leh Dilkhan khuate a awm a, balhla leh lakhuihthei an chíng. Tamdil Integrated Management Plan hnuaiah farm based & skill based microenterprise aṭangin chhungkaw 150-in ṭanpuina an dawng tawh a ni.