Swab sample lâk mek zel a ni

IDSP hnuaia State Field Laboratory Unit, Aizawl chuan hmun hrang hrangah swab sample lak hna an thawk mek zel.

Swab sample latu team pakhat chuan nimin khan Tuikual South, New Capital Complex, Zotlang leh FCI kudam, Ramrikawnahte swab sample an la a; chu'ngte chu buhfai phurtute leh con­tact tracing sample bakah, hmanhmawhthlak bika sample lak ngaite an ni.

August 24, Thawhṭanni khan sample collection team pahnihte'n Aizawl Municipal Corporation, Excise & Narco­tics, filling station-te leh bank-a thawkte swab sample an laksak a, chu'ngte chu Rapid Antigen Test hmanga endik a ni.

Zangena Filling Station-a kalte awmna veng hrang hrang aṭangin mi 15 vel ṭheuh swab sample lak tum a ni a, chuta tan chuan task force-te chu list siam tura ngen an ni. Sample lak turte chu - August 10-15 chhunga pump-a kal te, August 6 hnu lama zing dar 6 leh chhun dar 12 inkara kal te, August 10-15 inkara kalte leh pawisa kîr dawngtute ngaih pawimawh lehzual an ni.