Zotlang-in CM Hawla an chawimawi Mizote hnam ropuia siam kan tum - CM

Champhai Zotlang khaw­tlang chuan, nimin khan chief minister Lal Thanhawla an chawimawi. Lal Thanhawla chuan, Mizoram sorkarin a tum ber chu Mizote hnam zahawm leh ropuia siam a ni tih a sawi.

CM Lal Thanhawla chuan, hnam zahawm leh hnam ropui ni turin ei leh bar leh sum leh paiah intodelh hmasak a ṭul tih sawiin, "A mihring tam ber zawk kuthnathawktu, lo nei mi, mi harsa, pachhia leh chanhaite'n an khaw buzawlah ṭheuh lei rem an rah a, khaw êng an hmuh a, an dinhmun chawikan hmasak a ṭul tih hriaiin NLUP kalpui mek a ni," a ti.

Pathian malsawmna tawng­baw zawnga hna thawk a, mi dangte tana malsawmna nih tum a pawimawh tih sawiin, Chief Minister chuan, "Hmasawnna hna thawhna kawngah sorkar hmalakna chauh a tawk lo a, mipuite'n mawhphurhna thui tak kan nei ve a ni tih kan hriat a ṭha," a ti a; mipuite chu mahni theihna zawn ṭheuha theihtawp chhuah turin a sâwm.

CM Lal Thanhawla chawi­mawina hun hi Zotlang VCP C Laldenga'n a kaihruai a; minister of state Lalrinmawia Ralte, par­liamentary TT Zothansanga leh R Vanlalvena, MLA-te pawh an tel.