ACH-ah thisen unit 10,669 pe
Mizorama model blood bank awm chhun leh blood bank lian ber, Aizawl Civil Hospital-ah January-December 2014 chhung khan thisen unit 10,669 pek a ni a, chung zinga unit 8,775 chu pek bik awm loa a thlawna pek a ni. Voluntary donation hi 82.25% a ni.
Aizawl Civil Hospital (ACH) blood bank hotute'n an chhinchhiah danin, ACH-a kum 2014 chhunga thisen pek unit 10,669 zinga unit 9,282 chu mipa pek niin, unit 1,387 chu hmeichhe pek a ni a; hmeichhe pek zat hi 13% a tling.
ACH blood bank-a a thlawna pek unit 8,775 zinga unit 7487 chu mipa pek niin, unit 1,288 chu hmeichhe pek a ni a; pek bik nei leh rulhna atana pek (replacement) unit 1,894 a awm. Voluntary donation bikah hmeichhiain an pek zat chu 14.58% a ni.
Hetih lai hian, January-December 2013 chhung khan ACH blood bank-ah hian thisen unit 9,768 pek a ni a, a petute chu mipa 8,352 leh hmeichhia 1,416 a ni.
Kum 2013 chhunga thisen pek zinga unit 8,160 chu a thlawna pek a ni a; kum 2013 aia kum 2014 chhunga pek zat a tamna chu unit 901 a ni.
ACH-a thisen pek zat
Year Donation Voluntary
2000 6,582 1,067
2001 5,699 1,137
2002 6,392 2,325
2003 6,737 3,509
2004 6,945 4,079
2005 7,360 4,221
2006 7,945 5,105
2007 8,139 4,934
2008 8,293 4,397
2009 8,574 5,004
2010 9,637 6,452
2011 9,753 7,856
2012 9,538 9,051
2013 9,768 9,563
2014 10,669 8,775