Thawhhona thuthlung pawm

Mizorama inthlanna dik, felfai leh thianghlim a awm theih nan nimin khan Synod Office-a Committee Room-ah Mizoram People Forum (MPF) leh political party-te'n thawhhona thuthlung an duan chu an pawm.

MPF leh political party-te chuan village vouncil leh local council inthlan lo awm tur te, autonomous district council huam chhunga inthlan te, Aizawl Municipal Council inthlan te, Assembly inthlanpui leh Parliament inthlanpui atan thawhho an tum a ni.

Thawhhona thuthlung hi hlâwm pasarih a ni a, inthlan chungchang, inthlan senso chungchang, zalen taka inthlan, venhimna lam, party hmathlir leh hnathawh chhawp chhuah, candidate chungchang leh thawhhona chungchang a ni. Thawhhona thu­thlung an pawm tâk hi political party - MPCC, MNF, MPC, ZNP leh BJP president ṭheuhin hming ziakin an nemnghet dawn a ni.