KHAWTHLIR

MFA-in Mizo mipuite sawm
Mizoram Football Association chuan, National Games 2015-a gold medal latu Mizoram football team vawiina lo haw tur hmuak turin Mizo mipui zawng zawng a sawm. Lengpui Airport-ah chhun dar 12:00-ah hmuah an ni ang a, Lammualah tlai dar 4:00-ah lawmna hun hman a ni ang

Naupang chíl hlum
Nimin chawhma lam khan Lawngtlai College Vengah LPK truck, MZ-07 1248-in Joseph Vanlalchhana (5) s/o A Lalngailova, Lawngtlai College Veng a chíl a, ká pawh chhawn lohin a thi. Truck khalhtu hi Hualhima, Lawngtlai College Veng a ni a, police-in an man nghal a ni.

Hall hawng
Minister H Rohluna chuan nimin khan a bial chhung, Kawlkulh dáia Chhimluang tlanga seminar hall sak thar a hawng.

In kâng
Zotuitlang, Lunglei district-ah nimin chawhma lam khan Zonunpari te in, Assam type chu bungraw chuh hman lohin a kâng ral a, thi leh hliam an awm lo.

Cancer inzirtir
MHIP, Tlabung branch leh Mizoram State Cancer Institute-te chuan, February 12 khan Tlabungah cancer natna chungchang inhrilhhriatna hun an buatsaih. MSCI director Dr Lalsiampara'n a kaihruai a, a thlawna inentirna an buatsaih nghal bawk.

Draft roll târ
Draft Local Council Electoral Roll, 2015 chu nimin khan en theih turin Aizawl DC office, election branch-ah târ chhuah a ni. Draft roll hi DC office bakah hian bialtu MERO/AMERO-te hnenah en theih a ni.

Thisen pek rûnpui
Association for Voluntary Blood Donation chuan vawiin chawhma dar 10 aṭangin Mizo High School hall-ah Valentines Day pualin thisen pek rûnpui an buatsaih dawn a; Mizo ṭhalai, a tam thei ang ber thisen pe turin an sáwm.