Containment zone puang

Aizawl District Magistrate chuan nimin khan thupek chhuahin, Ramhlun South chu an veng mi Covid-19 vei pakua hmuh chhuah a nih avangin nimin zing dar 9 aṭang khan luh chhuah phal lohna hmun, containment area atan a puang. Ramhlun LTF-te chu an huam chhunga inkaihhruai dan chipchiar zawk chu a ṭul dan ang zelin sorkar dan siam kalh loa siamṭhat a phalsak a ni.

Melriat VC huam chhungah Covid-19 vei mi 14 hmuh chhuah thar a nih avangin Aizawl DC chuan Melriat khua bakah an ṭhenawm khua - Kelsih leh Hualnghmun khuate chu containment zone-ah a puang bawk a, August 26 aṭanga September 8, 2020 thleng a ni ang.

Aizawl DC chuan, containment zone chhungah DC-in phalna a pekte leh medical & security duty-te tih loh chu luh chhuah phal a nih loh thu a tarlang a, "Containment Management & Active Surveillance team-te'n a ṭul angin surveillance neiin hma an la chhunzawm ang," a ti.