Disaster management training khâr

Tun kar tira ṭan Administrative Training Institute (ATI) conference hall-a Disaster Management Training chu nimin khan khâr a ni a, Disaster Management & Rehabilitation minister C Ngunlianchunga'n training chhuakte hnenah certificate a hlan.

C Ngunlianchunga chuan, chhiatrupna thlen thulha chhanchhuahna hna thawk turin police mi leh sa 662 bakah, YMA 52 hnenah training pek a ni tawh tih a sawi a, "Mumal leh awmze nei taka an thawh theih nan State Disaster Response Force-te kaihruai turin inspector leh sub-inspector-te tan training buatsaihsak leh an ni," a ti.

Training-ah hian 1st. MAP, 2nd. MAP, 3rd. MAP, 1st IR, 2nd. IR, 4th. IR leh 5th IR aṭang­in police officer 41 leh district organiser pali, an vaiin mi 45 an tel a ni.