Gas chingpen a nih leh nih loh enfiah

Serchhipa Legal Metrology-te chuan, nimin khan MIZOFED-a dah tur, Mualkhang Gas Bottling Plant aṭanga lak eirawngbawlna gas bûr 306 an enfiah a, bûk tling lo leh khawih chingpen an hmu lo.

Legal Metrology chuan, tunlaiin Mizoram hmun hrang hrangah eirawngbawlna gas bûr tihchingpen thâwm hriat tur a awm fo avangin Ser-chhip MIZOFED-a dah tur gas bûrte pawh uluk taka an endik ṭhin thu an sawi a, "A ṭul chuan mipuite hnena sem chhuahna hmunahte kal chilhin kan bûksak ṭhin. Hun rei tak chhung chu Serchhipa sem tur gas bûr kan endiknaah a dik lo man tur a awm tawh lo," an ti.