Mitdelten PwD Commissioner Ruat thuai turin sorkar ngen

Mizoram Blind Society (MBS) chuan thuchhuah siamin, Januayy 22, 2016-ah Persons with Disabilities (PwD) commissioner aṭanga B Sairengpuii bàn a nih hnua tun thlenga PwD Commissioner thar ruat a la ni lo chu pawi an tih thu an tarlang a; Mizoram sorkar chu Commissioner ruat thuai turin an ngen.

MBS chuan, PwD Commissioner hna full time-a thawk tur August 2016 hma ngeia ruat turin sorkar an ngen a, "Dik taka thil tih a nih theih nan Ministry of Social Justice And Empowerment-in PwD Chief Commissioner a lak dan zûlzuiin Mizoram sowrkar hian advertisement chhuahin, interview hmangin la ṭhin tawh rawh se," an ti.

PwD Commissioner lak turah politics inrawlh lo se an duh thu sawiin, MBS chuan, "Politics hmanga rualbanlote tana hna thawk thei chuang lo leh rualbanlote hmangaihtu ni lo sorkarin a ruat leh a nih chuan dan hmangin a hma aia nasa zawkin kan dodal leh dawn a ni," an ti a; Mizorama rualbanlote'n an chanvo tur a nihna ang taka an chan theih nan ṭan an lak zel tur thu an sawi bawk.